Токиодан тахминан 100 километр узоқда жойлашган Уцуномия шаҳридаги истироҳат боғида рўй берган портлашга 72 ёшли ҳарбий пенсионер ўзини портлатиб юборгани сабаб бўлди. Бу ҳақда полициядаги манбаларга таяниб, Япония ОАВлари маълум қилди, дея хабар беради «Интерфакс».
Ҳодиса оқибатида 2 нафар эркак ва 14 ёшли ўсмир жароҳатланди. Иккинчи портлаш боғ яқинидаги автомобиллар тураргоҳида содир бўлди ва уни ҳам кекса ҳарбий уюштирди. У ўзининг уйига ҳам ўт қўйгани, уй тамоман ёниб битгани билдирилмоқда.
ОАВга кўра, пенсионер ўз жонига қасд этишдан аввал мактуб қолдирган, бироқ манбалар кекса кишини бундай ҳаракатга ундаган сабабларни маълум қилмади.
Изоҳ (0)