Япониянинг Уцуномия шаҳридаги маҳаллий аҳоли ва хорижий сайёҳлар орасида машҳур бўлган истироҳат боғида рўй берган портлаш оқибатида бир киши ҳалок бўлди, уч киши жароҳатланди. Бу ҳақда полиция маълумотларига таяниб, NHK телекомпанияси маълум қилди, дея хабар беради «Корреспондент.net».
Оғир жароҳатлар олган портлаш қурбонининг жасади велосипедлар тураргоҳи яқинида топилди. Яна бир портлаш биринчи ҳодиса жойидан 200 метр узоқликдаги автомобилда рўй берди.
Портлашлар сабаби ҳозирча аниқланмади. Жабрланганлардан бири оғир ҳолатда эканлиги билдирилмоқда.
Токиодан 100 километр узоқликда жойлашган истироҳат боғидаги фожиали воқеалар туфайли бу ерда фестиваль ўтказилиши тўхтатилди.
Изоҳ (0)