Британиянинг Нортхемптон шаҳри полицияси жалюзини ўғирлашга уринган шахс акс этган кузатув камераси кадрларини эълон қилди. Бу ҳақда Meduza хабар бермоқда.
16 октябрь куни гумонланувчи эркак Dunelm мебел дўконига келган. Орадан маълум вақт ўтиб, у дўкондан қайтиб чиққан.
Унинг кийими остида жалюзи яширинган эди — парданинг бир учи иштонга тиқилган бўлиб, иккинчи томони курткадан ўтиб, капюшондан чиқиб турган эди.
Дўкон ходимлари ўғрини ушлашга ҳаракат қилган — улар гумонланувчини канал ёқасидаги сўқмоққа қадар қувлаб борган. Шундан сўнг эркак жалюзини ташлаб қочган. Маҳсулотга зарар етган.
«Полиция видеода акс этган шахс билан ёки у ҳақда маълумотга эга бирор одам билан суҳбатлашиш истагида», — дея маълум қилди Нортхемптоншир графлиги полиция бўлинмаси вакиллари.
Изоҳ (0)