Японлар мушук либосларида Токио кўчаларини сайр қилди

Октябрь ойи ўрталарида Токиода «Кагуразака Бакенеко» фестивали бўлиб ўтди, дея хабар бермоқда Meduza.

Ҳар йили ўтказиладиган фестивалда иштирокчилар мушукча либосларни кияди, юз-кўзини мушукларга хос бўяйди, рақсга тушади ва парадда қатнашади.

YouTube’да эълон қилинган репортажни кўриб, фестивалда камида бир неча ўн киши иштирок этганига гувоҳ бўлиш мумкин.

Байрам япон фолклорининг Бакенеко номли қаҳрамонига бағишланган. Бакенеко — арвоҳ-мушук бўлиб, ҳаётлигида дастлаб оддий уй мушуги бўлган, кейинроқ илоҳий кучга эга чиққан.

Парад Токиодаги ўз вақтида катта шов-шув бўлган «Мен — мушук» китобининг муаллифи Нацумэ Сосэки истиқомат қилган Кагуразака туманида бўлиб ўтади.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.