2010 йили Дубайда бунёд этилган 828 метрли «Бурж Халифа» дунёдаги энг баланд иншоот мақомини амирликнинг Dubai Creek ҳудудида жорий йил октябрида қурилиши бошланган бошқа бир бинога бир неча йилдан сўнг тақдим этади. Бу ҳақда National Geographic хабар бермоқда.
Баландлиги 928 метрга етиши кўзда тутилаётган янги иншоот амирликда бўлиб ўтадиган Экспо-2020 бутунжаҳон кўргазмасида очилиши кутилмоқда. Қурилиш ишлари қиймати 1 миллиард долларга баҳоланмоқда. Лойиҳа устида испаниялик таниқли меъмор ва ҳайкалтарош Сантьяго Калатрава ишлаган.
Янги иншоотга ҳозирча ном қўйилмаган. Унинг юқори қисми ички кўриниши дунёнинг етти мўъжизасидан бири — Бобил осма боғлари руҳини акс эттириши лозим. Шунингдек, меъмор учун Париждаги Эйфель минораси ва ислом меъморчилигининг анъанавий унсурларидан бири — миноралар ҳам илҳом манбаи бўлиб хизмат қилгани билдирилмоқда.
Бино таркибидан турар-жой ва офислар, ресторанлар, меҳмонхоналар, кузатиш майдонлари ва бошқа объектлар ўрин олиши кўзда тутилмоқда. Унга туташ 6 квадрат километрдан иборат ҳудудда ҳозир дунёда энг йирик саналадиган «Дубай-молл»дан ҳам катта янги савдо-кўнгилочар мажмуи қурилади.
https://youtu.be/tb8eOV0s5bA
Изоҳ (0)