Ҳаммаси ҳақиқий: Хонанда Манзура синглисининг «ширин шерваччалари» билан суратга тушди

Хонанда Манзура Instagram’даги саҳифасида шер болалари билан тушган суратини эълон қилди. Сурат ҳайвонот боғида эмас, гилам тўшалган хонадонда олинган, унда шерваччалардан бирининг бўйинбоғини ҳам кўриш мумкин.

«Синглимнинг мана шундай ширинтой шерваччаси бор», — деб ёзган Манзура ўз хабарида хонанда Шоҳруххон ва унинг укаси Муҳаммадалини меншн қилган, лекин меншннинг сабабини изоҳламаган.

Манзура шер болалари айнан қайси синглисига тегишли эканига аниқлик киритмаган. Баъзи фойдаланувчиларнинг: «Бу синглингиз циркда ишлайдими?», — деган саволларини ҳам жавобсиз қолдирган.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.