NASA Марснинг MAVEN космик қурилмаси ёрдамида олинган ультрабинафша суратларини эълон қилди. Meduza’нинг ёзишича, қурилма сайёра вулқонлари устида ҳосил бўладиган булутларни, шунингдек, Марснинг тунги томонидаги нурланишни тасвирга олган.
NASA вакилларининг изоҳлашича, Марс вулқонлари устидаги булутлар Ердаги вулқонлар узра ҳосил бўладиган булутлар каби шаклланади. Марснинг тунги тарафидаги ультрабинафша нурланиш эса сайёранинг кундузги томонидаги кимёвий реакциялар сабаб юз беради.
Қуёш нури азот ва карбонат ангидрид гази молекулаларини парчалайди, натижада атомлар шамол билан қоронғу тарафга ўтади ва у ерда азот оксиди молекулаларига қўшилади. Шу сабабли, бошқа ёруғлик манбалари бўлмаса-да, тунги осмон ёришиб туради.
Мазкур суратлар олимларга Марс сатҳидан 60—100 километр юқорида шамоллар қандай ҳаракатланишини янада яхшироқ тушуниб олишга ёрдам беради.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)