Ўзбекистон «Миллий тикланиш» демократик партияси вакиллари 21 октябрь, жума куни Марказий сайлов комиссиясига партиядан Ўзбекистон Республикасига Президентлигига номзод ҳужжатларини тақдим этди. Тадбирда комиссия аъзолари, сиёсий партиялар ҳамда ОАВ вакиллари иштирок этди. Бу ҳақда «Дарё»га Ўзбекистон Республикасига Президенти сайловини ёритиш бўйича Республика матбуот маркази маълум қилди.
Марказий сайлов комиссияси тақдим этилган ҳужжатларни бир ҳафта мобайнида текшириб чиқади ва уларнинг қонунга мувофиқлиги туғрисида хулоса беради.
Ҳозирда Марказий сайлов комиссиясида имзо варақалари тўғри тўлдирилганлигини текшириш бўйича экспертлар гуруҳи ташкил этилган бўлиб, унинг таркибига комиссия аъзолари, жамоат ташкилотларининг вакиллари, ички ишлар, адлия идоралари мутахассислари киритилган.
Эслатиб ўтамиз, «Миллий тикланиш» демократик партиясининг Тошкентда 15 октябрь куни бўлиб ўтган съездида партия марказий кенгаши раиси, Олий Мажлис Қонунчилик палатасидаги партия фракцияси раҳбари Сарвар Отамуратов Ўзбекистон Президентлигига номзод этиб кўрсатилганди.
Изоҳ (0)