Президент сайловини ёритиш бўйича Республика матбуот марказида Ўзбекистон Республикаси Президенти сайловини ўтказувчи участка сайлов комиссиялари фаолиятини самарали ташкил этишга бағишланган республика онлайн семинар-тренинги ўтказилди. Видеоконференцалоқа тарзида ўтказилган тадбирни Марказий сайлов комиссияси раиси М. Абдусаломов олиб борди.
Сайловларга тайёргарлик кўриш ва ўтказишда участка сайлов комиссияларининг ўрни катта. Қонунчиликка кўра, участка сайлов комиссияси округ сайлов комиссияси томонидан сайловга камида 40 кун қолганида 5—19 нафар аъзо, жумладан, раис, раис ўринбсари ва котибдан иборат таркибда тузилади.
Семинарда сайлов участкаларини жиҳозлаш, «Она ва бола» ҳамда тиббиёт хоналарини ташкил этиш, комиссиянинг самарали иш фаолияти учун зарур шарт-шароитлар яратиш каби масалалар муҳокама этилди. Участка сайлов комиссиялари фаолиятини молиялаштириш, сайловчилар рўйхатини тузишнинг ўзига хос хусусиятлари, муддатидан олдин овоз беришни ташкил қилиш каби мавзуларда маърузалар тингланди. Халқаро ва маҳаллий кузатувчилар, ОАВ вакиллари билан ишлаш юзасидан фикр юритилди.
Таъкидлаш жоизки, мазкур тадбир участка сайлов комиссиялари фаолиятини самарали ташкил этишга қаратилган уч босқичли семинар-тренингларнинг дастлабкиси ҳисобланади. Шунга ўхшаш тадбирлар вилоятлар ва туманларда Марказий сайлов комиссияси аъзолари ҳамда экспертлари иштирокида ташкил этилади.
Тадбир иштирокчилари учун Марказий сайлов комиссияси ва Ўзбекистон Миллий телерадиокомпанияси ҳамкорлигида тайёрланган участка сайлов комиссиялари ҳақидаги ўқув фильми намойиш этилди.
Изоҳ (0)