Хитойда жорий йили ҳашамат буюмларига харажатлар 3 фоизга ошади ва 120,4 миллиард долларга етади. Бу ҳақда Fortune Character тадқиқот агентлиги манбаларига таяниб, «Интерфакс» хабар бермоқда.
Харажатлар ошиши суръати улар 10 фоизга кўпайган ўтган йилги натижаларга нисбатан сусаяди. Бу мамлакатда иқтисодий ўсиш пасайгани ва бунинг «люкс» тоифасидаги товарларга талабга салбий таъсир кўрсатгани билан боғлиқ.
Шундай бўлса-да, хитойлик истеъмолчилар ҳиссасига аввалгидек дунёдаги ҳашамат буюмлари олди-сотдиси ҳажмининг деярли ярми тўғри келмоқда. Улар томонидан харидларнинг 77 фоизи хорижда амалга оширилади. Гонгконг ва Европа олий тоифадаги маҳсулотлар сотиб олишни истаган хитойликлар учун оммавий йўналишлар бўлиб турибди.
Изоҳ (0)