Абхазия телевидениеси ҳудудида бомба портлатилди

Абхазия телевидениеси ҳудудида номаълум эркак бомба портлатди. Бу ҳақда республика ИИВ маълум қилди, дея хабар беради «ТАСС». 

«Телевидение ҳудудида бир киши портлаб кетди. Унда вайрон қилувчи элементларга эга бомба бўлгани кўриниб турибди. У бунга бир ўзи қўл урмагани аниқ. Абхазиянинг барча куч тизимлари бу ишга жалб этилган», — дея таъкидлади ички ишлар вазири Аслан Кобахия. 

Республика хавфсизлик кенгаши котиби Муҳаммад Килбага кўра, портловчи қурилма кучи 150—200 грамм тротил эквивалентига тенг бўлган. Ҳодиса юзасидан жиноий иш очилди. Абхазия президенти Рауль Хажимба объектлар, жумладан, мактаб ва болалар боғчалари қўриқланишини кучайтириш юзасидан кўрсатма берди.