NASA Халқаро коинот станциясига (ХКС) 2,3 тоннадан ортиқ юк етказиши лозим бўлган Cygnus юк кемаси муваффақиятли орбитага чиқарилганини маълум қилди. Бу ҳақда «Ведомости» хабар бермоқда.
Cygnus орбитага Россиянинг РД-181 двигатели билан жиҳозланган Antares 230 ташувчи ракетаси ёрдамида чиқарилди. Станцияга туташув ва юкларни етказиш миссияси 6 суткага мўлжалланган. Ушбу двигателлардан 8 таси бўйича шартнома 2014 йил декабрида имзоланган, келгуси йил ёзида эса уларнинг дастлабкилари АҚШга етказиб берилганди.
«Парвоз муваффақиятли кечишига шубҳам йўқ эди. Техникамиз яна бир бор ўзининг ишончли ва самарали эканлигини кўрсатди. Америка томонининг эътирозлари йўқ», — дея таъкидлади Россиянинг двигателлар ишлаб чиқарувчи «Энергомаш» бирлашмаси бош директори Игорь Арбузов.
Маълумот учун, Cygnus коинот кемасининг бундан аввалги, 2014 йил октябрида амалга оширилган парвози омадсиз бўлганди.
Изоҳ (0)