Техаслик парашютчи 3000 метр баландликда кроссовкасидан айрилди, бироқ ўзини йўқотиб қўймай, пойабзалига етиб олишга муваффақ бўлди. Meduza’нинг ёзишича, кроссовкани тутиб олиш жараёни парашютчининг дубулғасига ўрнатилган камера орқали ёзиб олинган.
Видео қаҳрамонлари «Мистер Билл» трюкини бажараётган эди. Бунда одатда икки парашютчи бир-бирини маҳкам тутган ҳолда самолётдан сакрайди. Айни вақтда, улардан фақат биттаси парашютини очади. Шундан сўнг улар хоҳласа ажралиши ёки бўлмаса бир парашют остида ерга қўниши мумкин.
Бироқ бу сафар ҳаммаси ҳам ўйланганидек бўлмади. Оператор парашютини очган вақтда, унинг ҳамроҳи кескин узоқлашиб кетган. У билан бирга операторнинг кроссовкаси ҳам учиб кетган. Пойабзал тахминан бир километр масофа давомида қувиб борилган, охир-оқибат парвоз ҳамма учун муваффақиятли тугаган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)