Jezebel нашри муҳаррири Жоанна Роткопф тажриба тариқасида бир ҳафта динозаврнинг бахмал думини улаб олиб юрди. Бироқ бу машғулот унга ҳеч қандай қувонч келтиргани йўқ, дея хабар бермоқда Meduza.
«Август ойи охирида Asos интернет-дўконида динозавр думи савдога чиқарилди. Бу янгилик Jezebel ходимлари жуда қизиқтириб қўйди. Бундай маҳсулотни сотишдан нима наф? Ким кўчада дум билан юради? Эсимда, бу саволга ҳазиллашиб ‘Мен’ деб жавоб бергандим», — деб ёзади Жоанна.
Роткопф фақат тунда ечиб қўйишини айтиб, бир ҳафта давомида дум билан юришга ҳамкасблари билан келишиб олади. Унинг сўзларига кўра, бир метр дум билан энг қийин иш —метрода юриш, ҳожатхонага қатнаш ва қулайроқ ўтириб олишдир.
Журналист қиз тажрибанинг учинчи куни кўчага чиқишни ва жамоат жойларига боришни хоҳламай қолган, ваҳоланки, кўчадагилар унинг думига жуда бир хотиржам муносабатда бўлаётган ёки бунга умуман эътибор бермаётган эди.
Тажриба кунларининг бирида, у қаллиғининг ота-онаси билан бирга тушлик қилган. «Қаллиғимнинг отаси ‘Бир кун келиб шу қилган ишинг учун жуда ноқулай аҳволга тушасан’, деб таъкидлади. У ўша келиб бўлганини ҳали билмасди», — дейди Роткопф.
Охир-оқибат журналист қизнинг тан олишича, бу тажриба мутлақ аҳмоқона ҳам бемаъни бўлиб чиққан ва унинг ўзига қисқа муддатли тушкунлик ҳамда бир жуфт қизиқарли ҳодисадан ортиқ, ҳеч нима бермаган.
I wore a tail for one week and learned nothing: https://t.co/08u38DgHGD pic.twitter.com/JE3Y0LFlZr
— Jezebel (@Jezebel) October 12, 2016
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)