Катта оқ акула ичида дайвер бўлган қафасга бостириб кирди. Дайверга ҳеч нарса қилгани йўқ

Мексиканинг ғарбий соҳилларида катта оқ акула ичида дайвер бўлган қафас ичига бузиб кирди. Қафас ичидаги эркак акулани тунец балиғи билан чалғитиб, уни камерага суратга олаётган эди. Маълум бир фурсат ўтганидан сўнг, акула хўракка отилган ва ичида дайвер бўлган қафасни бузиб юборган.

Meduza’нинг ёзишича, акула қафасдан чиқиб, сузиб кетишига бир неча сония керак бўлган. Ҳодиса оқибатида дайверга зарар етмаган ва у сувдан эсон-омон чиқиб олган.

Видео муаллифининг ёзишича, акулалар орқамача суза олмайди ва жағини очган вақтда кўзи кўрмай қолади, шу сабабли сув жонивори қафасни сезмаган ҳам.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.