Forbes энг кўп пул ишлаб топган марҳум юлдузлар рейтингини тузди

Forbes журнали 2016 йилда энг кўп пул ишлаб топган марҳум юлдулар рейтингини тузди, деб ёзади «Корреспондент.net».

Рейтингда шу йил 825 миллион доллар тўплаган поп қироли Майкл Жексон етакчилик қилди. Иккинчи ўрин комикслар муаллифи Чарльз Шульцга насиб этди (48 миллион доллар). Учинчи ўринни гольфчи Арнольд Палмер 40 миллион доллар даромад билан банд этди.

Кейинги поғоналарни рок-н-ролл қироли Элвис Пресли (27 миллион доллар), хонанда Принс (25 миллион доллар), мусиқачи Боб Марли (21 миллион доллар), ёзувчи Теодор Сьюз Гейзель (20 миллион доллар), мусиқачи Жон Леннон (12 миллион доллар) ва олим Альберт Эйнштейн (11,5 миллион доллар) банд этди.

Шунингдек, рўйхатга модель Бетти Пейж, қўшиқчи Дэвид Боуи, актёр Стив Маккуин ва актриса Элизабет Тейлор ҳам кирди.