Forbes eng ko‘p pul ishlab topgan marhum yulduzlar reytingini tuzdi

Forbes jurnali 2016-yilda eng ko‘p pul ishlab topgan marhum yuldular reytingini tuzdi, deb yozadi “Korrespondent.net”.

Reytingda shu yil 825 million dollar to‘plagan pop qiroli Maykl Jekson yetakchilik qildi. Ikkinchi o‘rin komikslar muallifi Charlz Shulsga nasib etdi (48 million dollar). Uchinchi o‘rinni golfchi Arnold Palmer 40 million dollar daromad bilan band etdi.

Keyingi pog‘onalarni rok-n-roll qiroli Elvis Presli (27 million dollar), xonanda Prins (25 million dollar), musiqachi Bob Marli (21 million dollar), yozuvchi Teodor Syuz Geyzel (20 million dollar), musiqachi Jon Lennon (12 million dollar) va olim Albert Eynshteyn (11,5 million dollar) band etdi.

Shuningdek, ro‘yxatga model Betti Peyj, qo‘shiqchi Devid Boui, aktyor Stiv Makkuin va aktrisa Elizabet Teylor ham kirdi.