Шаҳзода Уильям британиялик хонанда Род Стюартга мусиқа соҳасидаги натижалари ва хайрия ишларига қўшган ҳиссаси эътирофи сифатида рицарлик унвонини тақдим этди. Букингем саройида бўлиб ўтган маросимда Стюартга турмуш ўртоғи ва икки кичик ўғли ҳамроҳлик қилди. Бу ҳақда «ТАСС» хабар бермоқда.
«Шаҳзода узоқ йиллик фаолиятим давомида эришган натижаларим билан қутлади. Мен тақдирлашаётганидан ниҳоятда бахтли эканлигим, фақат ота-онам бунга гувоҳ бўлишларини исташимни айтдим», — дея мамнуниятини яширмади хонанда.
Маълумот учун, нуфузли The Rolling Stones нашри Род Стюартни дунёнинг энг атоқли 100 қўшиқчиси рўйхатига қўшган. 1945 йилда туғилган Стюартнинг шу кунгача жами 100 миллиондан ортиқ пластинкаси сотилган ва у тижорий жиҳатдан энг муваффақиятли санъаткорлар сирасига киради.
Изоҳ (0)