Афғонистон ички ишлар вазирлиги матбуот котиби Сиддиқ Сиддиқий 11 октябрь, кечки пайт Кобул жануби-ғарбидаги даҳалардан бирида жойлашган яна бир масжидга ҳужум уюштирилганини маълум қилди, деб ёзади «ТАСС».
Сиддиқий ўз Twitter’ида ёзишича, ҳодиса жойига ўз вақтида махсус топшириқли бўлинмалар етиб келиб, жангарилар ҳужумини қайтарган. Жабрланганлар ҳақида маълумот берилмаяпти.
Эслатиб ўтамиз, аввалроқ Афғонистон пойтахтида масжидга уюштирилган ҳужумда саккиз киши ҳалок бўлиб, 30 киши яралангани хабар берилган эди. Ҳужум учун жавобгарликни ҳеч қайси экстремистик гуруҳ ўз бўйнига олганича йўқ.
Изоҳ (0)