Лавров Эрон ташқи ишлар вазири билан телефон орқали Сурия инқирозини муҳокама қилди

Россия ташқи ишлар вазири Сергей Лавров эронлик ҳамкасби Муҳаммад Javaд Зариф билан Суриядаги инқирозни ҳал этиш бўйича халқаро ҳаракатларни кучайтириш кераклигининг аҳамиятини тан олди, дея хабар бермоқда «РБК» Россия ТИВга таяниб.

Икки мамлакат ташқи ишлар вазирлари ўртасидаги телефон суҳбати 11 октябрь куни бўлиб ўтди.

Суҳбат чоғида «асосий эътибор Суриядаги жорий вазиятга қаратилди». Вазирлар Суриядаги инқирозни сиёсий тартибга солиш бўйича бошқа вариантлар йўқлигини тасдиқлаб, инқирозни фақат сиёсий келишув йўли билангина ҳал этиш мумкин, деган фикрга келди.

Суриядаги вазият Россия ва АҚШ шу йилнинг сентябрида келишиб олган ярашув битими барбод бўлгач, кескинлашди. Вашингтон бунинг учун жавобгарликни Дамашқ ва Москванинг бўйнига қўйди.