Qatar Airways авиакомпанияси 7 октябрь, жума куни Boeing корпорациясидан 11,7 миллиард долларга 40 та йўловчи самолёти харид қилиш ҳақидаги қарорини маълум қилди. Бу ҳақда йўловчи ташувчи компания раҳбари Акбар ал-Бакир Вашингтондаги матбуот анжуманида маълум қилди, деб ёзади «ТАСС».
Бундан ташқари, яна 60 та самолёт сотиб олиш режалаштирилмоқда.
«Ихтиёримиздаги кенг фюзеляжли Boeing самолётлари аксарият узоқ рейсларда қўлланилади ва ҳозирги флотимизнинг деярли ярмини ташкил этади. Тор фюзеляжли самолётлар бўйича янги буюртмамиз ҳақида маълум қилишдан хурсандмиз», — деди ал-Бакир. У Qatar Airways ихтиёрида 190 та самолёт борлигини таъкидлаб ўтди.
Шартнома шартларига кўра, ҳаво кемалари ишлаб чиқарувчиси 290 нафаргача йўловчини сиғдира оладиган 30 та Boeing 787 Dreamliner ва ҳар бири 396 кишига мўлжалланган ўнта Boeing 777-300ER самолётини етказиб бериши керак.
Бундан ташқари, Qatar Airways раҳбарияти ҳар бири 200 нафаргача йўловчини таший оладиган 60 та 737-8MAX моделидаги самолётни харид қилиш нияти ифодаланган хатни имзолади.
Изоҳ (0)