Грузияда янги парламент сайланмоқда

8 октябрь, шанба куни Грузияда парламент сайловлари бўлиб ўтмоқда, деб хабар беради «Интерфакс».

Мамлакат Марказий сайлов комиссияси маълумотларига қараганда, овоз беришда 3,5 миллиондан ортиқ рўйхатга олинган фуқаро иштирок эта олади. Улар 150 депутатни сайлайди, шулардан 77 нафари партия рўйхатларидан, 73 нафари эса бир мандатли округлардан сайланади.

Мандатлар учун олти сайлов блоки ва 19 партия курашади.

Мамлакат бўйлаб 3703 сайлов участкаси очилган. Чет элдаги грузияликлар 40 мамлакатдаги консулликлар қошида очилган участкаларда овоз бериши мумкин.

Грузиядаги парламент сайловлари билан бир пайтда Ажария мухтор республикаси Олий кенгаши сайловлари бўлиб ўтади.