Россиянинг «Энергия» ракета-космик корпорацияси энергияни 1,5 км масофага симсиз узатиш бўйича тажриба муваффақиятли кечганини маълум қилди, деб ёзади «Интерфакс».
«Энергияни лазер нури ёрдамида симсиз узатиш бўйича тўлиқ кўламли эксперимент муваффақиятли ўтди. Махсус ускуна мобил телефонни 1,5 км масофада туриб зарядлади», — дейилади «Энергия» матбуот хизмати хабарида.
Қуввати 5 вт га тенг лазер нурининг узатилиши махсус нур чиқарувчи ва қабул қилувчи қурилма ёрдамида амалга оширилди, у нурни энергияга айлантириб берди.
Аввалроқ ер устидаги эксперимент муваффақиятли кечган тақдирда, бундай синовни орбитада ўтказиш режалаштирилаётгани хабар қилинган эди.
«Космик тажрибада энергияни Халқаро космик станциядан ‘Прогресс’ транспорт юк кемасига узатиш режалаштирилмоқда, у бунинг учун станциядан 1—2 километрга узоқлаштирилади», — деди «Энергия» бўлим бошлиғи Вячеслав Тугаенко.
Изоҳ (0)