Барак Обама АҚШ Сурия, жумладан, Алепподаги вазиятни ҳарбий услублар билан бартараф этиши мумкин деб ҳисобламайди. Бу ҳақда Оқ уй матбуот котиби Жошуа Эрнест 6 октябрь, пайшанба куни бўлиб ўтган брифинг чоғида маълум қилди, дея хабар беради «ТАСС».
«Президент Алеппода вазиятни йўлга солиш учун Башар Асад тузумига қарши ҳарбий ҳаракатлар ўтказилиши вазифаларимиз бажарилиши ва зўравонлик даражаси пасайишига олиб келмаслиги ҳақида батафсил гапирди. Биз миллий манфаатларимизга умуман тўғри келмайдиган кўплаб оқибатларга дуч келишимиз аниқроқ», — дея таъкидлади Эрнест.
«Бирон-бир вариант истисно этилмаслиги»ни маълум қилган Оқ уй матбуот котиби Вашингтон шу билан бирга имкон борича можарони бартараф этиш, кескинликни юмшатишга интилаётганини билдирди.
Изоҳ (0)