Туркия ҳарбийларининг Ироқда бўлиши ва ҳаракатлари Бағдод ҳукумати билан тўлиқ келишилган бўлиши лозим. Бу ҳақда Анқаранинг Мосулда қўшинлари бўлиб туришини узайтириш ҳақидаги қарорига изоҳ берган БМТ бош котиби расмий вакили ўринбосари Фархан Ҳақ маълум қилди, дея хабар беради «ТАСС».
«Ироқни қўллаб-қувватлашга қаратилган ҳар қандай ҳаракатлар БМТ Устави, жумладан, суверенитет, ҳудудий яхлитлик ва бошқа давлат ишларига аралашмаслик тамойилларига асосланиши зарур. Бош котиб Туркия расмийлари Ироқдаги барча ҳаракатлар Ироқ ҳукуматининг тўлиқ розилиги асосида амалга оширилишини таъминлашига умид қилмоқда», — дея таъкидлади Фарҳан Ҳақ.
Расмий вакил ўринбосари Анқара ва Бағдод юзага келган вазиятни ҳал этиш учун маслаҳатлашувлар ўтказганини эслатиб ўтди. Унинг маълум қилишича, БМТ бош котиби икки давлатни музокараларни давом эттиришга чақирган ва зарурат туғилган тақдирда воситачилик вазифасини бажаришга тайёр.
Изоҳ (0)