АҚШ энергетика вазирлиги ҳузуридаги Ядро хавфсизлиги миллий бошқармаси (ЯХМБ) ва Америка ҳарбий-ҳаво кучлари жорий ой бошида B61 («Би-61) атом бомбасининг иккита модификациясини синовдан ўтказди. Бу ҳақда ЯХМБ матбуот хизматига таяниб, «ТАСС» хабар берди.
Унинг аниқлик киритишича, B61-7 ва B61-11 жанговар ўқлар синалган. Жанговар қисмлар билан жиҳозланмаган битта B61-7 ва битта B61-11 бомбаси Невада штатидаги Тонопа полигонига иккита B-2А Spirit стратегик «кўринмас» бомбардимончилари томонидан ташланган.
Бомбаларнинг аниқлиги ва ишончлилигини текшириш мақсадида ташланган жанговар ўқларга уларнинг парвози параметрларини қайд этувчи қурилма ўрнатилди. Йиғилган маълумотлар таҳлили ҳар иккала синов ҳам муваффақиятли кечгани ҳақидаги хулосага келиш имконини беради, деди ЯХМБ.
Изоҳ (0)