АҚШдаги базалардан қочиб кетган афғон ҳарбийларининг катта қисми Канадага ўтиб кетган

2015 йил январидан бери АҚШ ҳудудида кучайтирилган ҳарбий тайёргарлик ўтилаётган базалардан 44 нафар афғон ҳарбийси қочиб кетди. Уларнинг кўпчилиги чегара ошиб, Канадага ўтган, дея хабар беради «ТАСС».

Fox News телеканали Пентагон манбаларига таяниб маълум қилишича, ўтган йили 25, бу йил эса 19 нафар афғонистонлик базаларни ўзбошимчалик билан тарк этган ва изсиз йўқолган.

«Мазкур ҳолат кишини хавотирга солади, чунки бу оддий ҳодисалар эмас. Вазирлик АҚШда ҳарбий тайёргарликни ўташ учун шахслар танлаб олиш мезонларини мустаҳкамлаш йўлларини ўрганмоқда. Бундан кўзда тутилган асосий мақсад ҳарбийлар белгиланган манзилидан кетиб қолишини камайтиришдан иборат», — дея таъкидлади АҚШ мудофаа вазирлиги вакили Адам Стамп.