Лионель Месси «Манчестер Сити»га қарши ЕЧЛ баҳсида сафга қайтади

«Барселона» жамоаси ҳужумчиси Лионель Месси 19 октябрь куни «Манчестер Сити»га қарши ЕЧЛ гуруҳ босқичи 3-турида майдонга тушишга тайёр бўлади. Бу ҳақда «Спорт-Экспресс» хабар бермоқда.

Хабарда қайд этилишича, «Атлетико Мадрид»га қарши (1:1) Испания чемпионати 5-турида жароҳат олган Лионель Месси 5 октябрь куни индивидуал машғулотларни ўтказди.

Аргентиналик 29 ёшли футболчи катта эҳтимол билан 15 октябрь куни «Депортиво»га қарши Испания чемпионати 8-турини ўтказиб юборади.