Россия Сурияга C-300 зенит ракета тизими батареясини етказди, бу ҳақда Россия мудофаа вазирлиги расмий вакили генерал-майор Игорь Конашенков маълум қилди, деб ёзади «РБК».
Унинг аниқлик киритишича, ушбу мажмуа Суриянинг Тартус шаҳрида жойлашган ҳарбий-денгиз базаси ва соҳил ҳудудидаги Россия ҳарбий-денгиз флоти кемаларини ҳаводан ҳимоя қилиш учун мўлжалланган.
Конашенков Сурияга зенит ракета тизимининг жойлаштирилиши Ғарбда шов-шув уйғотгани сабабини тушунмаслигини айтди. «Эслатиб ўтаман, C-300 — бу фақат мудофаа тизими, холос, у ҳеч кимга ҳеч қандай хавф туғдирмайди», — деди мудофаа вазирлиги вакили.
Изоҳ (0)