Google корпорацияси 12 ёшли испанияликнинг 100 минг евролик қарзидан кечди, деб ёзади «ТАСС».
20 minutos газетаси маълумотларига кўра, Валенсия мухтор вилоятидаги Торревьеха шаҳарчасида яшайдиган бола ўзининг 15 ёшли дўсти билан сайт яратиб, у ерга мусиқа ҳақида видеолар жойлаган. 2016 йил августида болалар Google компаниясининг контекстли реклама сервиси — AdWords’да ҳисоб очган.
Ёш испанлар унинг ёрдамида ўз видеоларига киритган рекламалар учун пул оламиз, деб ўйлаган. Ҳақиқатда эса болалар AdWords натижасида ўз сайтини ривожлантира бошлаган, бунинг эвазига уларга тўлаш учун ҳисоб чиқариб берилган.
Google’дагилар ушбу ҳолатни таҳлил қилиб чиқиб, болалардан пул олмасликка қарор қилган. «Кўплаб онлайн-сервислар, жумладан, AdWords ҳам ёш бўйича чекловларга эга», — дея эслатишди корпорацияда.
Изоҳ (0)