Тошкент бозорларида Lenovo K5 Note 1,28 млн сўмдан таклиф этилмоқда

Lenovo компанияси Ўзбекистондаги смартфонлари таркибини янги, K5 Note модели билан кенгайтирди. Юқори тиниқликдаги катта дисплей, кучайтирилган рақамли камералар ва металл корпусга эга қурилма Lenovo Vibe Shot камерафонини эслатади. Бу ҳақда «Mobinfo.uz» хабар бермоқда. 

Техник хусусиятларга келганда, Lenovo K5 Note 8 ядроли MediaTekHelio P10 процессори, 5,5 дюймли дисплей, Android 5.1 Lollipop операцион тизими билан жиҳозланган. Смартфоннинг тезкор ва доимий хотираси тегишли равишда 3 ҳамда 32 гигабайтга тенг. Бу ҳажмни microSD тўплагичи ёрдамида 128 гигабайтгача кенгайтириш мумкин.

Асосий камера 13 мегапиксел ва икки карра LED-вспишка, автофокусга, фронтал камера эса 8 мегапикселга эга. Шунингдек, қурилма бармоқ излари сканери, DolbyAtmos ҳажмли товуш технологияси, симсиз алоқа модуллари — 4G LTE, 3G HSPA+, Wi-Fi 802.11 a/b/g/n/ac, Bluetooth 4.0 ва GPS билан жиҳозланган. Соатига 3500 миллиамперли аккумулятор батареяларидан қувват олади. 

Тошкент бозорларида тилла рангли Lenovo K5 Note 1 миллион 280 минг сўмдан таклиф этилмоқда. Бу Lenovo Vibe Shot нархидан (1,4 миллион сўм) бироз фарқланади.

Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.