Google янги Pixel смартфонларини тақдим этди (фото)

Google компанияси янги линейкадаги смартфонлар — Pixel ва Pixel ХL’ни тақдим этди, улар бозорда Nexus қурилмалари ўрнини эгаллайди, деб ёзади «Hi-tech.mail.ru». Янги телефонлар DxOMark нашри версиясига кўра, дунёдаги энг яхши камерага эга бўлди.

Pixel смартфонлари Google Assistant ички ёрдамчиси бўлган биринчи қурилмаларга айланади, у Google Now каби Home тугмасини узоқ вақт босиб туриш орқали ишга туширилади.

DxOMark тадқиқот компанияси Pixel’ни барча мобил қурилмалар орасидаги энг юқори баҳо — 89 балл билан тақдирлади (iPhone 7’да — 86 балл). Компания видео учун жуда самарали стабилизация тизимини ишлаб чиқди ва очиш тугмасини босишдан аввалги бир неча сониялар ичида суратларни сақлаш функциясини қўшди.

Pixel фойдаланувчилари кичрайтирилмаган фото ва видеолар учун Google Photos’да чексиз булутли омборга эга бўлади.

Pixel ва Pixel ХL экранлари диагоналига кўра фарқланади, қолган хусусиятлар иккаласида ҳам бир хил. Қурилмалар тўрт ядроли Snapdragon 821 чипсети, 32—128 Гб ички хотира, 4 Гб тезкор хотира, 5/5,5 дюймли АМOLED-дисплей, 12,3 мегапикселли асосий ва 8 мегапикселли олд камера, 2770/3450 мА/соат сиғимли аккумулятор, бармоқ изи сканерига эга.

Смартфонлар металлдан ясалган бўлиб, орқа томонига шиша детал ўрнатилган. «Тўлиқ қора», «реал кўк» ва «жуда кумушранг» каби учта рангда чиқарилади.

Энг кичик версиянинг нархи 649 доллардан бошланади.