Facebook мессенжерида маълумотларни шифрлаш йўлга қўйилди

Facebook ижтимоий тармоғи ўз мессенжерида маълумотларни шифрлашни кучайтирди, деб ёзади «ТАСС». Wired журнали маълумотларига кўра, янги «махфий чатлар» сервиси тармоқнинг барча 900 миллион фойдаланувчиси учун очиқ.

Маълумотларнинг сақланиши end-to-end (икки томони очиқ) шифрлаш режимида амалга оширилади. Бу хабарни фақат уни юборувчи ва қабул қилиб олувчигина ўқий олишини билдиради.

Шу тариқа, суҳбат иштирокчиларидан бошқа ҳеч ким — у хоҳ Facebook маъмурияти бўлсин, хоҳ махсус хизматлар бўлсин — маълумотларни кўра олмайди. iOS ва Android қурилмаларда мессенжернинг сўнгги версиясини ўрнатган кишилар янги функциядан фойдалана олади.

Мессенжердаги шифрлашни ҳар битта чат учун қўлда ёқиш керак. Фойдаланувчилар шифрланган маълумотнинг сақланиш даврини танлаши мумкин, бу бир неча сониядан бир кунгача бўлиши мумкин — шундан кейин хабарлар автоматик тарзда ўчирилади.