Тошкентда Россиянинг Yota Devices компанияси маҳсулоти — YotaPhone 2 смартфони сотила бошлади, дея хабар бермоқда «Mobinfo.uz». Модельнинг асосий ўзига хослиги — корпуснинг ҳар иккала томонида ҳам дисплей мавжудлиги.
Қурилма 2015 йил мартида MWC 2015 кўргазмаси доирасида тақдим этилган эди.
YotaPhone 2’нинг асосий дисплейи 1920×1080 пикселли 5 дюймли рангли экран бўлса, иккинчиси «электрон сиёҳ» технологияси асосидаги 960×540 пикселли 4,7 дюймли оқ-қора орқа экрандир.
Оқ-қора экранда телефонни блокдан чиқармасдан туриб, асосий экрандаги маълумотларни кўриш мумкин, бу қурилмага бир марта олган қувватни 50 соатгача етказиш имконини беради.
YotaPhone 2 тўрт ядроли Qualcomm Snapdragon 800 процессори, 2 Гб тезкор ва 32 Гб ички хотира, 8 мегапикселли асосий ва 2 мегапикселли олд камера, шунингдек 2550 мА/с сиғимли аккумуляторга эга бўлди.
Тошкентдаги «Флешка» савдо марказида смартфонни 1,3 миллион сўмга харид қилиш мумкин.
Изоҳ (0)