Xiaomi компанияси янги, 5 дюймли дисплей ва 4100 мА/соат сиғимли аккумуляторга эга Redmi 3S Plus арзон смартфонини тақдим этди, деб ёзади «Hi-tech.mail.ru».
Смартфон эксклюзив тарзда Ҳиндистон ҳудудида сотилади. Xiaomi нима сабабдан оддий Redmi 3S’дан ҳам ташқи кўриниши, ҳам ички тузилиши жиҳатидан деярли фарқ қилмайдиган, аммо номига «Plus» қўшилган қурилмани чиқаргани тушунарсиз, деб ёзади нашр. Redmi 3S Plus 140 доллардан сотилади.
Қурилма 5 дюймли ва 1280×720 пикселли дисплей, Snapdragon 430 процессори, 13 мегапикселли асосий ва 5 мегапикселли олд камера, 2 Гб тезкор ва 32 Гб ички хотира (+microSD), 4100 мА/соат сиғимли аккумуляторга эга.
Изоҳ (0)