Toshkentda Rossiyaning Yota Devices kompaniyasi mahsuloti — YotaPhone 2 smartfoni sotila boshladi, deya xabar bermoqda “Mobinfo.uz”. Modelning asosiy o‘ziga xosligi — korpusning har ikkala tomonida ham displey mavjudligi.
Qurilma 2015-yil martida MWC 2015 ko‘rgazmasi doirasida taqdim etilgan edi.
YotaPhone 2’ning asosiy displeyi 1920×1080 pikselli 5 dyuymli rangli ekran bo‘lsa, ikkinchisi “elektron siyoh” texnologiyasi asosidagi 960×540 pikselli 4,7 dyuymli oq-qora orqa ekrandir.
Oq-qora ekranda telefonni blokdan chiqarmasdan turib, asosiy ekrandagi ma’lumotlarni ko‘rish mumkin, bu qurilmaga bir marta olgan quvvatni 50 soatgacha yetkazish imkonini beradi.
YotaPhone 2 to‘rt yadroli Qualcomm Snapdragon 800 protsessori, 2 Gb tezkor va 32 Gb ichki xotira, 8 megapikselli asosiy va 2 megapikselli old kamera, shuningdek 2550 mA/s sig‘imli akkumulyatorga ega bo‘ldi.
Toshkentdagi “Fleshka” savdo markazida smartfonni 1,3 million so‘mga xarid qilish mumkin.
Izoh (0)