Microsoft 2015 йил ичида Европадаги «булутли» серверлари қувватини икки марта оширди, минтақада булутли технологияларни ривожлантириш учун киритилган жами инвестициялар ҳажми эса 3 миллиард долларни ташкил этди, дея хабар бермоқда «Интерфакс» компания раҳбари Сатья Наделлага таяниб.
2017 йилда компания Францияда қатор дата-марказларни очмоқчи, у ердан европалик мижозларга Office 365 ва Microsoft Azure каби маҳсулотлардан фойдаланиш имкониятини яратади. «Қўшимча дата-марказлар Буюк Британия, Нидерландия, Ирландия, Австрия ва Финляндияда қурилади», — деди Наделла, у айни пайтда Европада бўлиб, компаниянинг Европадаги асосий ваколатхоналарига ташриф буюрмоқчи.
Microsoft булутли хизматларни фаол равишда ривожлантирмоқда ҳамда Европа ва жаҳон бозорида уч марта кўпроқ улушга эга Amazon’га рақобатчилик қилмоқчи.
Изоҳ (0)