Европа ҳукуматининг монополияга қарши кураш органлари Американинг Google компаниясига мобил қурилмаларига Google қидирув тизимини ўрнатгани эвазига, смартфон ишлаб чиқарувчиларига пул мукофотлари беришни тақиқлайди, деб ёзади «ТАСС» Reuters’га таяниб.
Евроиттифоқ органлари ҳужжатларига мувофиқ, улар Америка компаниясига Google дастурий маҳсулотлари, шу жумладан, қидирув тизимини олдиндан ўрнатгани учун мобил қурилмалар ишлаб чиқарувчиларига тўловлар тўлаш ва чегирмалар тақдим этишни ман қилади.
Google компанияси 2011 йилдан ҳозиргача давом этаётган антимонополия қонунбузарликлари учун йирик жарима тўлашига тўғри келади. «Комиссия компанияни тийиб туришни таъминлаш учун етарлича миқдорда жарима белгилаш ниятида», — дейилади ҳужжатда.
Еврокомиссия вакили ҳам, Google компанияси ҳам ушбу маълумот юзасидан изоҳ берганича йўқ.
Изоҳ (0)