Puma кроссовкалари учун боғични боғлай оладиган мобил дастур ишлаб чиқилди

Nike компанияси илк бор «Келажакка қайтиб» фильмида кўрсатилган ва боғичлари автоматик боғланадиган кроссовка — HyperAdapt 1.0 ни омма эътиборига ҳавола қилганига кўп бўлганича йўқ. Puma ихлосмандлари эса бу масалага янада чуқурроқ ёндашди.

Компаниянинг боғичлари махсус тугма ёрдамида тортиб қўйиладиган янги маҳсулоти — Autodisc кроссовкаси бозорга чиққанидан ҳеч қанча ўтмай, феноменал ишланма — кроссовкага қўл теккизмасдан, унинг боғичларини боғлаш имконини тақдим этувчи мобил дастур ишлаб чиқилди.

Кроссовкалар билимдони Ҳикмет Сугоернинг маълум қилишича, мобил дастур ёрдамида кроссовкаларга уланиш ва махсус тугмани босиш пойабзал боғичларини маҳкамлаш ва ечиш учун етарли бўлади. Ҳозирча бундай инновацион кроссовкалардан 25 дона чиқарилган.

Оддий Autodisc кроссовкаларида боғичларни тортиб қўйиш ёки юмшатиш учун кроссовканинг ўзидаги махсус тугмани босиб туриш керак.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.