Венгрия бош вазири, Евроиттифоқ квоталари тарафдорлари референдумда ғалаба қозонса, истеъфо беришини маълум қилди

Венгрия бош вазири Виктор Орбан Европа Иттифоқи миграцион квоталари бўйича ўтаётган референдумда овоз берганидан сўнг плебисцит якунларига кўра муҳожирларни қабул қилиш тарафдорлари ғалаба қозонса, истеъфога чиқишини маълум қилди. Бу ҳақда, MTI агентлигига асосланиб, «ТАСС» хабар бермоқда.

Унинг сўзларига қараганда, квотага қарши овозлар кўпчиликни ташкил этса, бу ҳукумат ва парламент ҳаракатларига легитимлик беради.

Орбан мамлакат ҳудудига муҳожирлар киритилишига қарши сиёсат олиб бормоқда. Унинг позициясига қаршилар ташаббуси билан уюштирилган референдум натижалари мамлакатнинг бу йўналишдаги сиёсатини белгилаб беради.