Шимолий Корея баллистик ракеталар парвозини амалга оширишга қодир бўлган янги сув ости кемасини қураётган бўлиши мумкин. Бу ҳақда Американинг Жон Хопкинс университети қошидаги АҚШ ва Корея институти сайтига таяниб, «Интерфакс» хабар берди.
Сунъий йўлдошдан олинган тасвирлар сув ости кемаси қурилиши Синпхо порт шаҳридаги заводда фаол тарзда олиб борилаётганини кўрсатмоқда, дейилади хабарда.
Таъкидланишича, суратда доира шаклидаги улкан бўлакни кўриш мумкин, у КХДР бугунги кунда Пхеньян баллистик ракеталар учириш учун ишлаб чиқаётган тажрибавий кемадан ҳам каттароқ субмарина қуриши мумкинлигини билдиради.
Августда Жанубий Корея ОАВлари Жанубий Корея штаб бошлиқларининг бирлашган қўмитасига таяниб, КХДР сув ости кемасидан баллистик ракеталар учирганини маълум қилган эди.
Изоҳ (0)