АҚШ ҳукумати Нигер шимолидаги Агадес шаҳрида учувчисиз учар қурилмалар учун ҳарбий база қурилишига 100 миллион доллар ажратди, дея хабар бермоқда «Интерфакс» Американинг The Intercept нашрига таяниб.
Янги база америкаликларга Ливия, Мали ва Нигериядаги экстремистларга зарбалар бериш учун кўпроқ имкониятларни тақдим этади. Нигер ҳудудида АҚШ ҳарбий-ҳаво кучларининг битта базаси аллақачон бор, ундан MQ-9 Reaper разведкачи-ҳужумчи учувчисиз учар қурилмалари учиб чиқади.
The Intercept эслатишича, Нигер жанубда, Нигерия билан чегарада «Боко Ҳарам» террорчилик гуруҳи, шунингдек, «Ал-Қоида» билан боғлиқ гуруҳлар ҳужумларини қайтаришига тўғри келмоқда.
Изоҳ (0)