Россиянинг «Внешэкономбанк» (ВЭБ) давлат банки 2016 йил охиригача Россиядаги ҳудудий ваколатхоналарини ёпиб, ҳудудлар билан маҳаллий тараққиёт институтлари орқали ҳамкорлик қилмоқчи. Бу ҳақда ВЭБ раҳбари Сергей Горьков маълум қилди, деб ёзади «Интерфакс».
Унинг сўзларига кўра, ВЭБ ҳамма жойда ўз ваколатхоналарига эга бўлиши шарт эмас. «Ҳар битта вилоятда одатда тараққиёт компанияси ёки корпорацияси, ёки тараққиёт офиси бор. Бизнинг фикримизча, бу ҳамкорликда ишлаш учун яхши имконият, яхши манба», — деди давлат корпорацияси раҳбари.
«Умуман олганда, биз тармоқнинг айнан шу турида ҳеч қандай мантиқни кўрмаяпмиз, чунки у асосан айнан ваколатчилик функцияларини бажариб, маълум сарф-харажатларни келтириб чиқарарди, офис, машина ва шу кабиларни эгалларди. Биз ўйлашимизча, бу унчалик тўғри схема эмас», — деди Горьков. Унинг эслатишича, айни пайтда ВЭБнинг Россияда еттита ваколатхонаси бор.
Изоҳ (0)