Футбол бўйича Ўзбекистон Олий Лигасида 24-турнинг яна битта ўйини бўлиб ўтди. Аввалроқ «Пахтакор» ва «Локомотив» клублари Тошкент дербисини ўтказган бўлса, «Бунёдкор» Бухорода очко йўқотганди.
«Насаф»нинг «Металлург»га қарши ўйини 3:0 ҳисобида ўз якунига етди. Қарши клуби легионери Драган Черан дубл қайд этган бўлса, учинчи голни бекободликлар сафидан Ҳикмат Ҳошимов ўз дарвозасига жойлаб қўйди.
Мазкур ғалабадан кейин «Насаф» очколари сонини 51 тага етказиб, «Бунёдкор» билан тенглашиб олди. Фарқи — «қалдирғочлар» 1 та камроқ ўйинда майдонга тушган.
Олий Лига 24-турининг қолган беш учрашуви бугун — 1 октябрь куни бўлиб ўтади.
Ўзбекистон Олий Лигаси 24-тур учрашуви 30 сентябрь, жума