Фото: «Хитой Ўлик денгизи»нинг бир қисми пушти рангга кирди

Хитойнинг Шаньси вилоятидаги автойўл билан ажралган Яньху кўли икки хил рангли сув ҳавзасига айланди, дея хабар бермоқда TJournal.

Жаҳондаги энг йирик учта шўр сувли кўлдан бири ҳисобланган ва «Хитой Ўлик денгизи» деб ном олган Яньхунинг бир қисми ёрқин-пушти рангга кирди.

Сув рангининг ўзгаришига ҳавзани қизил рангли кўринишга келтира оладиган Dunaliella salina митти сув ўтлари сабаб бўлди. 

Маълумот учун, Яньху дунёда ягона пушти сув ҳавзаси эмас. Дакар шимоли-шарқидаги Ретба, Қримдаги Сассиқ Сиваш, Ғарбий Австралиядаги Хиллиер кўли турли сабабларга кўра шундай тус олади.