Евроиттифоққа аъзо давлатлар Буюк Британия иттифоқдан чиққанидан сўнг ҳамжамиятни янада ривожлантириш ва иқтисодий ўсишни таъминлаш бўйича ишларни давом эттириш ниятида. Бу ҳақда Германия канцлери Ангела Меркель Берлин учрашуви арафасидаги матбуот анжуманида маълум қилди, дея хабар беради «ТАСС».
«Биз бугун Буюк Британиядаги референдумдан сўнг яна бир бор Евроиттифоқдаги вазиятни муҳокама этамиз. Братиславадаги учрашувдан сўнг тузилмага аъзо 27 давлат иқтисодий ривожланишдан фуқароларимиз фаровонлиги ва янги иш ўринларини яратишда фойдаланишга қарор қилганмиз. Бу борада улкан режаларимиз бор», — дея таъкидлади Меркель.
Берлин учрашувида Франция президенти Франсуа Олланд, Еврокомиссия раиси Жан-Клод Юнкер, қитъадаги йирик концернларнинг European Round Table of Industrialists («Европа саноатчилари давра столи») клубига аъзо 20 нафар раҳбари иштирок этади.
Улар Европа иқтисодиёти рақобатбардошлигини ошириш, инновациялар ҳамда рақамли технологияларни жорий этиш масалаларини муҳокама этиши кутилмоқда.
Изоҳ (0)