АҚШда нефтнинг тижорий захиралари ҳафта мобайнида — 16—23 сентябрь кунлари оралиғида — 1,9 миллион баррелга камайди ва сўнгги ҳисоб-китобларга кўра, жами 502,7 миллион баррелни ташкил этмоқда. Бу ҳақда мамлакат Энергетика вазирлиги маълум қилди, дея хабар беради «ТАСС».
Bloomberg агентлиги томонидан ўтказилган сўров натижалари эса, аксинча, таҳлилчилар захиралар ҳажми 3 миллион баррелга кўпайишини кутганини кўрсатди.
АҚШ нефть захиралари ҳажми ҳақидаги ахборот эълон қилинганидан сўнг, нефть нархининг ўсиши сусайди.
Хабар беришларича, Лондон ICE биржасида ноябрда етказиб бериладиган Brent туридаги нефть нархи бир баррели учун 46,6 долларни ташкил этди. Бир кун аввал унинг нархи 47 долларга етган эди.
Изоҳ (0)