Сурия мухолифати назорат остидаги ва ҳукумат кучлари томонидан ўққа тутилаётган Алеппонинг шарқий даҳаларида 23 сентябрь, жума кунидан бери камида 96 нафар бола ҳалок бўлди, 223 нафари жароҳат олди. Бу ҳақда БМТ Болалар фонди (ЮНИСЕФ) маълум қилди, дея хабар беради «ТАСС».
«Алеппо болалари ҳақиқий дўзахнинг ичида қолди. Улар чекаётган азоб-уқубатларни тасвирлаб бўлмайди», — дея таъкидлади ЮНИСЕФ ижрочи директори ўринбосари Жастин Форсайт.
Болалар фонди маълумотига кўра, шаҳарнинг шарқий қисмидаги вазият тобора оғирлашиб бормоқда.
Низо ҳудудида фаолиятини давом эттираётган 30 га яқин шифокор беморлар ва ярадорларга ёрдам кўрсатишга улгурмаяпти, дори-дармон танқислиги кузатилмоқда.
Изоҳ (0)