Reuters: ОПЕК мамлакатлари ноябрдан нефть қазиб чиқариш ҳажмини чеклашга келишиб олди

Нефтни экспорт қилувчи мамлакатлар ташкилоти (ОПЕК) аъзолари Жазоирдаги учрашувда нефть қазиб чиқариш ҳажмини жорий йилнинг ноябридан чеклашга келишиб олди. Бу ҳақда Reuters ОПЕКдаги манбасига таяниб маълум қилди, деб ёзади «Коммерсантъ». Қазиб чиқариш ҳажмини кунига 32,5 миллион баррель даражасигача чеклаш режалаштирилмоқда.

Шундан сўнг Интерконтиненталь биржасида ноябрда етказиб бериладиган Brent маркасидаги нефть фьючерси 4,6 фоизга — баррелига 48,35 долларгача кўтарилди.

28 сентябрь, Тошкент вақти билан 23:24 ҳолатига кўра, Brent маркасидаги нефтнинг декабрдаги фьючерслари нархи 5,33 фоизга кўтарилиб, баррелига 49 долларга етди. WTI маркасидаги нефтнинг ноябрь фьючерслари эса 4,86 фоизга — баррелига 46,84 долларгача ўсди.