Хакерлар Брэд Питтнинг вафоти ҳақидаги ёлғон хабар кўринишида вирус яратди
Хакерлар кенг жамоатчиликнинг Голливуд юлдузлари Брэд Питт ва Анжелина Жолининг ажрашиш жараёнига бўлган қизиқишидан ўз мақсадида фойдалана бошлади, деб ёзади «ТАСС». Интернетда Питтнинг бевақт ўлими ҳақидаги ёлғон хабар ниқоби остидаги зарарли дастур пайдо бўлди.
TMZ нашри маълумотларига кўра, гап гўёки Fox News телеканалининг репортажи ҳақида бормоқда. Уни очишга ва ўқишга уринганда шахсий компьютер ёки смартфон вирус билан зарарланади. Зараркунанда дастур муаллифларининг вазифаси — паролларни ўғирлаб, аккаунтларни назорат остига олиш.
Аввалроқ Жоли ўз фарзандлари хавфсизлигини кўзлаб, ажрашиш учун ариза бергани хабар қилинган эди. Расман эса актриса Питт билан кучли зиддиятлар юзага келганини пеш қилди ва болаларни ўстириш ҳуқуқи тўлиқ ўзига берилишини талаб қилмоқда.
